દાહોદ જિલ્લાના દેવગઢ બારિયા તાલુકાના જંબુસર ગામમાં ભાજપની ચુંટણી મીટિંગ યોજાઈ હતી. આ મીટિંગ બાદ ભાજપના કાર્યકર્તાઓએ હાજર લોકોને દારૂના ટીન વહેંચ્યા હતા.
સબિર ભાભોર, દાહોદઃ ગુજરાતમાં સ્થાનિક સ્વરાજની ચૂંટણીનો (Gujarat local body polls) માહોલ જોરમાં છે. પાલિકા અને જિલ્લા-તાલુકા પંચાયતોની ચુંટણીના મતદાનના આડે ગણતરીના દિવસો જ બાકી રહ્યા છે. ત્યારે ચૂંટણી પ્રચારના પડઘમ શાંત થાય તે પહેલા દરેક પાર્ટીઓ પાતની પાર્ટીના ઉમેદવારોને જીતાડવા માટે એડીચોટીનું જોર લગાવી રહ્યા છે. આવી સ્થિતિમાં અનેક પ્રલોભનો પણ આપવામાં આવતા હોય છે.
દાહોદમાં ચૂંટણી મીટિંગ (dahod election campaign) દરમિયાન અલગ જ દ્રશ્યો જોવા મળ્યા હતા. દાહોદના જંબુસર ગામમાં ભાજપની ચૂંટણી પ્રચારની મીટિંગ બાદ દારુની (liquor) રેલમછેલ થઈ હોવાનો વીડિયો (video) સામે આવ્યો છે. મીટિંગ બાદ લોકોને દારૂ વિતરણ થયાનો વીડિયો વાયરલ (viral video)થતા રાજકિય જગતમાં ખળભળાટ મચી ગયો હતો.
મળતી માહિતી પ્રમાણે દાહોદ જિલ્લાના દેવગઢ બારિયા તાલુકાના જંબુસર ગામમાં ભાજપની ચુંટણી મીટિંગ યોજાઈ હતી. આ મીટિંગ બાદ ભાજપના કાર્યકર્તાઓએ હાજર લોકોને દારૂના ટીન વહેંચ્યા હતા.
વીડિયોમાં દેખાય છે એમ ભાજપનો ખેસ ધારણ કરીને લોકો હાજર છે અને એક કાર્યકર્તા હાજર લોકોને દારૂના ટીનના પેકેટ આપી રહ્યો છે. આ વીડિયો સોશિયલ મીડિયા ઉપર વાયરલ થઈ રહ્યો છે.
દાહોદમાં ભાજપના ચુંટણી પ્રચાર દરમિયાન દારૂના વિતરણનો વીડિયો સોશિયલ મીડિયામાં વાયરલ થયો pic.twitter.com/nZlvwv3emU
ઉલ્લેખનીય છે કે ગુજરાત સ્થાનિક સ્વરાજની ચુંટણીઓમાં છ મહાનગરપાલિકાની ચુંટણીઓ પુર્ણ થઈ છે અને હેવ તાલુક જીલ્લા અને પાલિકાની ચુંટણી માટે આગામી 28 ફેબ્રુઆરીએ મતદાન થવાનું છે. ત્યારે આ પ્રકારના વીડિયો વાયરલ થાય એ ભારે ચર્ચાનો વિષય બન્યો છે.
