દેશભરમાં કેટલા થઈ રહ્યા Corona ટેસ્ટ, તે કેટલા ભરોસાલાયક છે? જાણો - બધુ જ

News18 Gujarati
Updated: August 9, 2020, 5:32 PM IST
દેશભરમાં કેટલા થઈ રહ્યા Corona ટેસ્ટ, તે કેટલા ભરોસાલાયક છે? જાણો - બધુ જ
દેશભરમાં કેટલા થઈ રહ્યા Corona ટેસ્ટ

આ ટેસ્ટ શું હોય છે, કેટલા વિશ્વસનિય હોય છે અને તેનું પરિણામ કેવી રીતે આવે છે.

  • Share this:
હાલમાં દેશભરમાં કોરોનાની તપાસ માટે ચાર પ્રકારના ટેસ્ટ પ્રમુખતાથી કરવામાં આવી રહ્યા છે. તેમાં આર-ટી પીસીઆર (RT PCR), ટ્રૂ નેટ, રેપિડ એન્ટીજન અને એન્ટીબોડી ટેસ્ટ સામેલ છે. આ ટેસ્ટ શું હોય છે, કેટલા વિશ્વસનિય હોય છે અને તેનું પરિણામ કેવી રીતે આવે છે. આ તમામ વાતો પહેલા તેની સાથે જોડાયેલા તથ્યોને સમજીએ. એ પણ જાણવું જરૂરી છે કે, વાયરલ લોડથી સંક્રમણનો સીધો સંબંધ શું છે. આ તમામ પ્રશ્નોના જવાબ જાણવા એટલા માટે જરૂરી છે, કેમ કે, દેશમાં કોવિડ-19ના આંકડાને સારી રીતે સમજી શકાય.

શું છે વાયરલ લોડ અને તેની અસર?

કોઈ વ્યક્તિના શરીરમાં વાયરસના કેટલા પાર્ટિકલ્સ રહેલા છે એટલે કે, વાયરસ કેટલો મજબૂત છે. આને વાયરલ લોડા નામથી ઓળખવામાં આવે છે. આની એટલા માટે તપાસ થાય છે કેમકે એ ખબર પડી શકે કે, કોઈ વ્યક્તિમાં સંક્રમણ ફેલવા માટે વાયરસના કેટલા મિનિમમ પાર્ટિકલ્સ જોઈએ અને તેની માત્રા વધારે હોવાથી શું સંક્રમણ ઝડપથી ફેલાઈ શકે છે.

બીજી વાત, વિશેષજ્ઞ અત્યાર સુધી માની રહ્યા છે કે, કોઈ સ્વસ્થ્ય અથવા સામાન્ય વ્યક્તિમાં વાયરલ લોડ જો વધારે હોય તો પણ, મજબૂત પ્રતિરોધી તંત્રની મદદથી ગંભીર રૂપ નહીં લઈ શકે. વદારે વાયરલ લોડથી તેવા લોકોને ખતરો રહે છે, જે મોટી ઉંમરના હોય અથવા પછી પહેલાથી કોઈ અન્ય રોગના કારણે તેમનું પ્રતિરોધી તંત્ર નબળું પડી ગયું હોય.

આ પણ વાંચોકેન્દ્રએ રાજ્યોને આપી સલાહ, તમામ શાકભાજી વેચનાર અને ફેરિયાઓનો કરો Corona ટેસ્ટ

હવે રહી વાત, સંક્રમણ માટે ઓછામાં ઓછો લોડ કેટલો હોય છે? આ પ્રશ્નનો જવાબ હજુ શોધવામાં આવી રહ્યો છે, અને વૈજ્ઞાનિકો માટે અત્યારે તેના વિશે કોઈ દાવો કરવો સંભવ નથી. હવે કોરોના સંબંધી ટેસ્ટ અને તેની સાથે પ્રશ્ન અને જવાબ જોઈએ.કેવી પ્રકારના હોય છે આ ચાર ટેસ્ટ?

સૌથી પહેલા એ જાણી લઈએ કે, તમારે ડોક્ટરની સલાહ બાદ જ ટેસ્ટ કરાવવાનો હોય છે. ડોક્ટરની સલાહ પર જ એ નક્કી થાય છે કે, તમારે કયો ટેસ્ટ કરાવવો પડશે. સાથે એ પણ કે હાલમાં ઘરે જ તપાસ કરી શકાય તેવી કોઈ સુવિધા અથવા કિટ ઉપલબ્ધ નથી. હવે એક-એક કરી ચારે ટેસ્ટ વિશે જાણીએ.

1 - આર-ટી પીસીઆર ટેસ્ટ
આ ટેસ્ટનું પુરૂ નામ રિયલ ટાઈમ પોલિમરેસ ચેન રિએક્શન છે. આ લેબમાં થતી તપાસ છે. આ ટેસ્ટ માટે એક ટ્યૂબ દ્વારા ગળા અથવા નાકથી સ્વાબ(ડોટ)નો નમૂનો લેવામાં આવે છે. નમૂનો લેવા માટે ટ્યૂબને લગભગ 20 સેકન્ડ સુધી નાક અથવા ગળામાં રાખવામાં આવે છે, અને પછી તેને હળવાશથી ટ્વિસ્ટ કરી નીકાળવામાં આવે છે. સ્વાબના નમૂનાને વાયરસ ટ્રાંસમિશન મીડિયા અથવા વીટીએમમાં રાખવામાં આવે છે.

સમય અને વિશ્વસનિયતા - સ્વાબ નમૂનાથી આરએનએ નિકાળીને લેબમાં આ તપાસ થાય છે અને દોઢ કલાકમાં આર-ટી પીસીઆર મશીન બતાવે છે કે, આરએનએમાં વાયરસ જોવા મળ્યો છે કે નહીં. આ ટેસ્ટમાં રિઝલ્ટ દર્દીને 12થી 16 કલાકમાં મળી જાય છે અને આ ટેસ્ટ સૌથી વધારે ભરોસાલાયક છે.

આ પણ વાંચો - રાહતના News: ભારતમાં 250 રૂપિયાથી પણ સસ્તી મળશે Corona વેક્સીન, થયો કરાર

2 - ટ્રૂ નેટ અથવા સીબી નેટ ટેસ્ટ
પહેલા આ ટેસ્ટનો ઉપયોગ ટીબી અને એચઆઈવી દર્દીઓ માટે થઈ ચુક્યો છે. આ ટેસ્ટમાં પણ નાક અને ગળામાંથી સ્વાબનો નમૂનો લઈ ન્યૂક્લિક એમ્પ્લીફાઈડ ટેસ્ટથી કોરોના ઈ-જીનની તપાસ થાય છે. આ ટેસ્ટ પોઝિટિવ આવે છે, તો આર-ટી પીસીઆર ટેસ્ટ થાય છે.

સમય અને વિશ્વસનિયતા - આ ટેસ્ટનું રિઝલ્ટ દર્દીને 2થી 3 કલાકમાં મળી શકે છે, અને આ ટેસ્ટથી 60થી 70 ટકા દર્દીમાં સંક્રમણની સંભાવના બતાવવામાં આવે છે.

3 - રેપિડ એન્ટીજન ટેસ્ટ અથવા રેટ
કયા વિસ્તારમાં અથવા સમુદાયમાં કેટલું ઝડપથી સંક્રમણ ફેલાવવાની આશંકા છે, તે તપાસવા માટે આ ટેસ્ટનો સહારો લેવામાં આવે છે. આમાં બ્લડ અથવા સ્વાબનો નમૂનો લઈ ટેસ્ટ કિટના કેમિકલમાં ડુબાડવામાં આવે છે. પછી આ તરલ કેમિકલના ટેસ્ટથી વાયરસની તપાસ કરવામાં આવે છે.

સમય અને વિશ્વસનિયતા - આ પૂરી પ્રક્રિયા બાદ પરિણામ મળવામાં 20થી 30 મિનીટ લાગે છે, જેથી આ મોટા વિસ્તારમાં વધારે નમૂના લેવામાં સંભવ છે. 30થી 40 ટકા મામલામાં આ ટેસ્ટ ફેઈલ પણ થઈ શકે છે, જેથી તેમાં રિપોર્ટ નેગેટિવ આવે પરંતુ લક્ષણો સ્પષ્ટ જોવા મળી રહ્યા હોય, તો પણ આર-ટી પીસીઆર ટેસ્ટની સલાહ આપવામાં આવે છે.

4 - રેપિડ એન્ટીબોડી ટેસ્ટ
આ ટેસ્ટ અસલમાં શરીરમાં વાયરસ વિરુદ્ધ એન્ટીબોડી વિકસીત હોવાના સંબંધની તપાસ કરે છે. કોરોના સંક્રમણ બાદ આઈજીએમ એન્ટીબોડી બને છે અને રિકવરી બાદ શરીરમાં આઈજીજી એન્ટીબોડી વિકસીત થાય છે. લોહીના નમૂનાથી આ એન્ટીબોડીની તપાસ થાય છે.

સમય અને વિશ્વસનિયતા - 15થી 20 મિનીટની અંદર કોઈ વ્યક્તિમાં એન્ટીબોડીની તપાસ સંભવ છે પરંતુ મોટી આબાદીવાળા વિસ્તારમાં સંક્રમણની તપાસ માટે થતા આ ટેસ્ટમાં હકિકત એ છે કે, સંક્રમણ વધારે હળવું હોય તો, પરિણામ સટિક નથી મળતું.
Published by: kiran mehta
First published: August 9, 2020, 5:32 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading