મહારાષ્ટ્ર. પુણેમાં આવેલી સીરમ ઇન્સ્ટિટ્યૂટ ઓફ ઈન્ડિયા (Serum Institute of India)ના ટર્મિનલ 1 ગેટ પર આગ (Fire) લાગી હોવાના અહેવાલ મળી રહ્યા છે. આગમાં કેટલું નુકસાન થયું તેની જાણકારી હાલ મળી નથી. જોકે અહેવાલ છે કે દુનિયાની સૌથી મોટી વેક્સીન નિર્માતા પૈકી એક કંપની સીરમ ઇન્સ્ટિટ્યૂટમાં જ્યાં કોરોનાની વેક્સીન તૈયાર કરવામાં આવી રહી છે તે વિસ્તાર સુરક્ષિત છે. એએનઆઈના રિપોર્ટ મુજબ, સીરમ ઇન્સ્ટિટ્યૂટ ઓફ ઈન્ડિયાની અંડર કન્સ્ટ્રક્શન બિલ્ડિંગમાં આગ લાગી છે. વેક્સીન અને વેક્સીન મેન્યૂફેક્ચરિંગ પ્લાન્ટ બિલકુલ સુરક્ષિત છે.
મળતી માહિતી મુજબ, સીરમ ઇન્સ્ટિટ્યૂટ ઓફ ઈન્ડિયામાં જે સ્થળે આગ લાગી છે ત્યાં 10 ફાયર ટેન્ડર્સ પહોંચી ગયા છે અને આગ પર કાબૂ મેળવવાનો પ્રયાસ કરી રહ્યા છે.
#UPDATE: The site where the fire broke out, is an under-construction building at Serum Institute of India, Pune. The vaccine and vaccine manufacturing plant are safe. More details awaited. https://t.co/V5lJk8lury
સીરમ ઇન્સ્ટિટ્યૂટ ઓફ ઈન્ડિયા કોરોના વાયરસની વેક્સીન કોવિશીલ્ડનું નિર્માણ કરી રહી છે. આ વેક્સીન ઓક્સફર્ડ યુનિવર્સિટી અને ફાર્મા. કંપની એસ્ટ્રાજેનેકા સાથે મળીને બનાવી છે. સીરમ ઇન્સ્ટિટ્યૂટ ઓફ ઈન્ડિયા દુનિયાની સૌથી મોટી વેક્સીન નિર્માતા કંપની છે જેની શરૂઆત સાયરસ પૂનાવાલાએ 1966માં કરી હતી.
