EXCLUSIVE: વિપુલ ચૌધરીના અબજો રૂપિયાના બેનામી નાણાકીય વ્યવહારનો થયો ખુલાસો

News18 Gujarati
Updated: September 23, 2022, 5:20 PM IST
EXCLUSIVE: વિપુલ ચૌધરીના અબજો રૂપિયાના બેનામી નાણાકીય વ્યવહારનો થયો ખુલાસો
વિપુલ ચૌધરીએ વિદેશમાં કરોડો રૂપિયા મોકલ્યા.

Vipul Chaudhary News: વિપુલ ચૌધરી અને તેમના પરિવારના સભ્યોના તથા તેમની કંપનીના કુલ મળી 26 પાનકાર્ડના આઈટીઆર રિટર્ન મળી આવ્યા છે. વિપુલ ચૌધરી ના અલગ અલગ બેંકમાં કુલ પાંચ એકાઉન્ટ છે અને બેન્ક એકાઉન્ટમાં આશરે 100 કરોડના નાણાકીય વ્યવહારો મળી આવ્યા હોવાનો ACB નો દાવો કરાયો છે.

  • Share this:
અમદાવાદ: 800 કરોડના કથિત કૌભાંડ પર સૌથી મોટી ખબર સામે આવી છે. વિપુલ ચૌધરી વિરૂદ્ધ તપાસમાં મોટા ખુલાસા થયા છે. જેની EXCLUSIVE જાણકારી ન્યૂઝ18 ગુજરાતી પાસે આવી છે. વિપુલ ચૌધરીના અબજો રૂપિયાના બેનામી નાણાકીય વ્યવહારના ખુલાસા થયા છે. વિપુલ ચૌધરી અને તેના પરિવારના નામે 25 બેંક એકાઉન્ટ હોવાનો ખુલાસો થયો છે. વિપુલ ચૌધરીએ 25 બેંક એકાઉન્ટ મારફતે 250 કરોડના ટ્રાન્ઝેક્શન થયા હોવાનો ખુલાસો થયો છે. એવી પણ માહિતી સામે આવી છે કે, વિપુલ ચૌધરીના નામના 5 બેંક એકાઉન્ટ છે ત્યાં જ પત્નીના નામે 10, પુત્રના નામે 6 બેંક ખાતા છે. જેમાથી 5 બેંક એકાઉન્ટ મારફતે 100 કરોડના વ્યવહાર થઇ ચૂક્યા હોવાની માહિતી સામે આવી છે.

વધુમાં વિપુલ ચૌધરીના ICICI બેંકમાં આવેલ એકાઉન્ટ XXXXXXX1650 અને XXXXXXXX1264 માંથી 53,54,953 રૂપિયા વિદેશમાં મોકલવામાં આવ્યા છે તેમજ વિપુલ ચૌધરીના જ આઇડીબીઆઇ બેન્ક એકાઉન્ટ XXXX XXXX XXXX188 માંથી એક કરોડ 01લાખ 38 હજાર ,500 જેટલા રૂપિયા વિદેશ મોકલવામાં આવ્યા છે

વિપુલ ચૌધરીના નામે સાત કંપનીઓ એલએલપી તથા તેઓના પરિવારના સભ્યોમાં તેમની પત્ની ગીતાબેન ચૌધરીના નામે 15 કંપનીઓ એલએલપી તથા તેઓના પુત્ર પવન ચૌધરીના નામે ત્રણ કંપનીઓ એલએલપી તપાસ દરમિયાન સામે આવેલ છે.




વિપુલ ચૌધરીના નામે પાંચ તેમના પત્ની ગીતાબેનના નામે દસ તથા દીકરાના નામે 6 બેંક એકાઉન્ટ ઉપરાંત એલએલપીના બેન્ક એકાઉન્ટ ની માહિતી સામે આવી છે.

આ પણ વાંચો- એન્ડઓવર કારથી અકસ્માત સર્જનાર ડીસમીસ પોલીસકર્મી નીકળ્યો

વિપુલ ચૌધરી ડેરીના હોદ્દેદાર હોવા છતાં તેમની પોતાની ખાનગી પેઢી રાજકમલ પેટ્રોલ એન્ડ ડીઝલ સર્વિસ કંપનીના સાથે વ્યાપારિક સંબંધો રાખી ગુજરાત સહકારી સોસાયટીના નિયમોને નેવે મૂકી દૂધસાગર ડેરીમાંથી 2010 થી 2012 વચ્ચે રાજકમલ પેટ્રોલ ડીઝલ કંપનીના એકાઉન્ટમાં પાસે 20 લાખ રૂપિયા જેટલા નાણા જમા કરાવેલ છે.

વિપુલ ચૌધરી અને તેમના પરિવારના સભ્યોના તથા તેમની કંપનીના કુલ મળી 26 પાનકાર્ડના આઈટીઆર રિટર્ન મળી આવ્યા છે. વિપુલ ચૌધરી ના અલગ અલગ બેંકમાં કુલ પાંચ એકાઉન્ટ છે અને બેન્ક એકાઉન્ટમાં આશરે 100 કરોડના નાણાકીય વ્યવહારો મળી આવ્યા હોવાનો ACB નો દાવો કરાયો છે.

આ પણ વાંચો- નવરાત્રીમાં વરસાદ બનશે વિલન, અહીં ભારે વરસાદની આગાહી

વિપુલ ચૌધરી અને તેમના પરિવારના સભ્યોના નામે આશરે 25 જેટલા અલગ અલગ બેંકમાં એકાઉન્ટ તપાસમાં ખુલ્યા છે જે તમામ એકાઉન્ટમાં હશે 250 કરોડના નાણાકીય વ્યવહારો થયેલા છે. વિપુલ ચૌધરીના એચયુએફના આઈડીબીઆઇ બેન્ક ખાતા નંબર XXXX XXXX XXXX557માં વર્ષ 2011-12 માં ફક્ત એક વર્ષમાં જ 4 કરોડ 25 લાખ 82 હજાર 420 ના નાણાકીય વ્યવહારો થયેલા છે, જે પૈકી બે કરોડ 95 લાખ 93 હજાર 220 ના વ્યવહારો વિદેશમાં થયેલા છે.

વિપુલ ચૌધરીના વધુ એક એકાઉન્ટમાંથી આશરે 1.5 કરોડ જેટલી રકમ વિદેશમાં મોકલવામાં આવેલ છે યુએસએના ટેક્સાસ ખાતે તેમના તથા તેમના પરિવારના સભ્યના નામે કરોડો રૂપિયાની કિંમતનો બંગલો ખરીદવામાં આવેલ છે.
Published by: rakesh parmar
First published: September 23, 2022, 5:20 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading