flypast on republic day: આ સમારોહમાં પ્રથમ વખત ભારતીય વાયુસેના (Indian Air Force), આર્મી અને નેવી (Navy)ના 75 ફાઈટર જેટ અને હેલિકોપ્ટરે ફ્લાયપાસ્ટ (Flypast) કર્યું હતું.
નવી દિલ્હીઃ ભારત દેશ આજે પોતાના 73મા ગણતંત્ર દિવસ (Republic Day)ની ઉજવણી કરી રહ્યો છે. દર વર્ષે આ અવસર પર યોજાતી 26મી જાન્યુઆરીની પરેડ આ વખતે ખુબ જ ખાસ હતી. આ સમારોહમાં પ્રથમ વખત ભારતીય વાયુસેના (Indian Air Force), આર્મી અને નેવી (Navy)ના 75 ફાઈટર જેટ અને હેલિકોપ્ટરે ફ્લાયપાસ્ટ (Flypast) કર્યું હતું. આખી દુનિયાએ આકાશમાં આ ફાઈટર જેટ્સ (Fighter Jets) ના અદ્ભુત પરાક્રમ દ્વારા ભારતની શક્તિ જોઈ હતી.
ખાસ વાત એ છે કે પ્રજાસત્તાક દિવસની સાથે-સાથે દેશ આઝાદીની 75મી વર્ષગાંઠ પર 'આઝાદીનો અમૃત ઉત્સવ' પણ ઉજવી રહ્યો છે. જેને ધ્યાનમાં રાખીને ભારતીય સેના (Indian Army)ના 75 વિમાનોએ અલગ-અલગ રીતે આકાશમાં ઉડાન ભરી હતી.
આ વિશેષ ઉજવણી માટે વિવિધ ફોર્મેશનમાં વિશેષ ફ્લાયપાસ્ટનું આયોજન કરવામાં આવ્યું હતું. આ ફોર્મેશનો દ્વારા 1971ના યુદ્ધના શહીદોને શ્રદ્ધાંજલિ આપવામાં આવી હતી. પાકિસ્તાન સામે આ યુદ્ધ દરમિયાન તંગૈલ અને મેઘના ઓપરેશનની ખૂબ ચર્ચા થઈ હતી અને આજે આ ખાસ અવસર પર વાયુસેનાના લડાકુ વિમાનોએ આકાશમાં તંગૈલ અને મેઘનાનું ફોર્મેશન બનાવ્યુ હતું.
અન્ય ફોર્મેશનોમાં, Mi-17એ ધ્વજ ફોર્મેશન કર્યું, 4 એડવાન્સ લાઇટ હેલિકોપ્ટરે રુદ્ર ફોર્મેશન બનાવ્યું અને 5 અન્ય એડવાન્સ લાઇટ હેલિકોપ્ટરે રાહત ફોર્મેશન બનાવ્યુ હતુ.
#WATCH The cockpit view of the Rudra formation led by Col Sudipto Chaki of 301 Army Aviation Special Operations Sqn with National Flag comprising two Dhruv helicopters and two ALH Rudra Helicopters#RepublicDayParade
આ સિવાય દેશવાસીઓએ બાઝ ફોર્મેશન પણ દેખાડ્યું હતું, જેમા એક રાફેલ, 2 જેગુઆર, 2 MiG-29 UPG અને 2 સુખોઇ વિમાનોએ કરતબ દેખાડ્યા હતા.
#WATCH Cockpit view of 'Baaz' formation comprising one Rafale, two Jaguar, two MiG-29 UPG, two Su-30 MI aircraft in seven aircraft 'Arrowhead' formation flying at 300m AOL#RepublicDayParade
આ વર્ષે ગણતંત્ર દિવસ સમારોહ પર થેયલ પરેડમાં પ્રથમવાર ફાઇટર જેટ અને હેલિકોપ્ટર સહિત 75 વિમાન સામેલ થયા હતા અને આ વિમાનોએ અલગ-અલગ ફોર્મેશન બનાવીને આકાશમાં કરતબ કર્યા હતા. રાજપથ પર હાજર દર્શકો સાથે-સાથે દરેક દેશવાસી માટે આ ખુબ જ ખાસ અનુભવ હતો.
